ਯੂਨੀਅਨ ਮੁਲਾਜ਼ਮਾਂ ਦੀਆਂ ਮੰਗਾਂ ਨੂੰ ਲੈ ਕੇ ਹਮੇਸ਼ਾ ਯਤਨਸ਼ੀਲ-ਮੇਜਰ ਸਿੰਘ
_________
ਅੰਮ੍ਰਿਤਸਰ,11 ਜੁਲਾਈ (ਪਵਿੱਤਰ ਜੋਤ)- ਅੰਮ੍ਰਿਤਸਰ ਨਗਰ ਨਿਗਮ ਵਰਕਰਜ਼ ਯੂਨੀਅਨ (ਸੀਟੂ) ਦੀ ਹੰਗਾਮੀ ਬੈਠਕ ਜੋਨ ਨੰਬਰ 6 ਵਿਖੇ ਆਯੋਜਿਤ ਕੀਤੀ ਗਈ। ਸਰਪ੍ਰਸਤ ਮੇਜਰ ਸਿੰਘ ਦੀ ਅਗਵਾਈ ਵਿੱਚ ਆਯੋਜਿਤ ਬੈਠਕ ਦੇ ਦੌਰਾਨ ਦੇਸ ਰਾਜ ਨੂੰ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਸਰਪ੍ਰਸਤ ਮੇਜਰ ਸਿੰਘ,ਪ੍ਰਧਾਨ ਭਗਵੰਤ ਸਿੰਘ,ਜਰਨਲ ਸਕੱਤਰ ਅਸ਼ੋਕ ਮਜੀਠਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਯੂਨੀਅਨ ਮੁਲਾਜ਼ਮਾਂ ਦੀਆਂ ਮੰਗਾਂ ਤੇ ਬਣਦੇ ਹੱਕਾਂ ਨੂੰ ਪੂਰਾ ਕਰਾਉਣ ਲਈ ਹਮੇਸ਼ਾ ਯਤਨਸ਼ੀਲ ਹੈ। ਨਗਰ ਨਿਗਮ ਮੁਲਾਜ਼ਮਾਂ ਦੀਆਂ ਭੱਖਦੀਆਂ ਮੰਗਾਂ ਨੂੰ ਛੇਤੀ ਤੋਂ ਛੇਤੀ ਪੂਰਾ ਕਰਨ ਦੇ ਲਈ ਸਥਾਨਕ ਸਰਕਾਰਾਂ ਮੰਤਰੀ,ਮੇਅਰ ਅਤੇ ਕਮਿਸ਼ਨਰ ਨੂੰ ਮੰਗ ਪੱਤਰ ਵੀ ਦਿੱਤਾ ਜਾਵੇਗਾ। ਉਹਨਾਂ ਨੇ ਯੂਨੀਅਨ ਵਿੱਚ ਸ਼ਾਮਲ ਸਾਥੀਆਂ ਅਤੇ ਅਹੁਦੇਦਾਰਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ।
ਜੋਨ ਨੰਬਰ 6 ਦੀ ਨਵੀਂ ਬਣਾਈ ਬਾਡੀ ਵਿੱਚ ਦੇਸ ਰਾਜ ਪ੍ਰਧਾਨ,ਮਨਬੀਰ ਸਿੰਘ ਅਤੇ ਮਗਨ ਭੱਟੀ ਮੀਤ ਪ੍ਰਧਾਨ, ਅਨਿਲ ਕੁਮਾਰ ਕੈਸ਼ੀਅਰ,ਨਸੀਬ ਦਫ਼ਤਰ ਸੈਕਟਰੀ,ਵਿਕਾਸ ਅਤੇ ਬੰਟੀ ਸਕੱਤਰ,ਜੋਗਿੰਦਰ ਪਾਲ ਪ੍ਰਚਾਰ ਸਕੱਤਰ ਬਣਨ ਤੇ ਜ਼ਿਲ੍ਹੇ ਦੀ ਟੀਮ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤੇ ਕੈਸ਼ੀਅਰ ਸੱਤਪਾਲ,ਦਲਬੀਰ ਸਿੰਘ ਕਮਲਦੀਪ,ਪਿ੍ੰਸ,ਬਲਦੇਵ ਸਿੰਘ,ਅਮਰਜੀਤ ਸਿੰਘ,ਪ੍ਰਦੀਪ ਕੁਮਾਰ ਵੀ ਮੌਜੂਦ ਸਨ।
