ਅੰਮ੍ਰਿਤਸਰ 14 ਮਾਰਚ (ਰਾਜਿੰਦਰ ਧਾਨਿਕ) : ਪੰਜਾਬ ਰਾਜ ਫਾਰਮੇਸੀ ਅਫਸਰ ਐਸੋਸੀਏਸ਼ਨ ਜ਼ਿਲ੍ਹਾ ਅੰਮ੍ਰਿਤਸਰ ਵੱਲੋਂ ਕੁਮਾਰ ਹੋਟਲ ਅੰਮ੍ਰਿਤਸਰ ਵਿੱਚ ਪਿਛਲੇ ਸਮੇਂ ਵਿੱਚ ਸੇਵਾ ਮੁਕਤ ਹੋਏ ਜ਼ਿਲ੍ਹਾ ਫਾਰਮੇਸੀ ਅਫਸਰ, ਸੀਨੀਅਰ ਫਾਰਮੇਸੀ ਅਫਸਰਾਂ, ਫਾਰਮੇਸੀ ਅਫਸਰਾਂ ਤੋਂ ਇਲਾਵਾ ਨਵ-ਨਿਯੁਕਤ ਫਾਰਮੇਸੀ ਅਫਸਰਾਂ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਵਿੱਚੋਂ ਸਿਹਤ ਵਿਭਾਗ ਵਿੱਚ ਆਏ ਰੂਰਲ ਫਾਰਮੇਸੀ ਅਫਸਰਾਂ ਨੂੰ ਸਨਮਾਨਿਤ ਕਰਨ ਲਈ ਇੱਕ ਵਿਸ਼ੇਸ਼ ਸਮਾਰੋਹ ਬਾਬਾ ਸ਼ਮਸ਼ੇਰ ਸਿੰਘ ਕੋਹਰੀ ਦੀ ਅਗਵਾਈ ਹੇਠ ਕਰਵਾਇਆ ਗਿਆ ਜਿਸ ਵਿੱਚ ਸਹਾਇਕ ਸਿਵਲ ਸਰਜਨ ਅੰਮ੍ਰਿਤਸਰ ਉਚੇਚੇ ਤੌਰ ਤੇ ਸ਼ਾਮਿਲ ਹੋਏ ਤੇ ਉਪਰੋਕਤ ਅਧਿਕਾਰੀਆਂ ਨੂੰ ਸਨਮਾਨ-ਚਿੰਨ ਦੇ ਕੇ ਸਨਮਾਨਿਤ ਕੀਤਾ। ਸਨਮਾਨਿਤ ਹੋਣ ਵਾਲਿਆਂ ਵਿੱਚ ਜ਼ਿਲ੍ਹਾ ਫਾਰਮੇਸੀ ਅਫਸਰ ਆਰ ਕੇ ਦੇਵਗਨ ਤੇ ਇਲਾਵਾ ਨਿਰਮਲ ਸਿੰਘ ਮਜੀਠਾ, ਵਿਜੇ ਵਿਨਾਇਕ ਪੱਟੀ, ਰਾਜੇਸ਼ ਹਰੀਕੇ, ਸੁਖਵੰਤ ਸਿੰਘ ਰੰਧਾਵਾ, ਪਰਮਜੀਤ ਸਿੰਘ ਸਰਹਾਲੀ, ਸੁਖਜੀਤ ਸਿੰਘ ਵੇਰਕਾ, ਰਾਬਿੰਦਰ ਧਵਨ, ਮੱਖਣ ਸਿੰਘ, ਦੀਪਕ ਦੇਵਗਨ, ਰਾਜਿੰਦਰ ਸਿੰਘ ਬੋਪਾਰਾਏ, ਹਰਜਿੰਦਰ ਸਿੰਘ ਸੋਢੀ ਮਨਜੀਤ ਸਿੰਘ, ਕੇਵਲ ਸਿੰਘ,ਮਨੀਸੀ ਮਹਾਜਨ, ਕੁਲਦੀਪ ਕੌਰ, ਪ੍ਰਭਜੋਤ ਕੌਰ, ਗੁਰਅੰਮ੍ਰਿਤ ਪਾਲ ਸਿੰਘ ਅਤੇ ਰੂਰਲ ਫਾਰਮੇਸੀ ਅਫਸਰ ਸ਼ਾਮਿਲ ਸਨ।ਇਸ ਸਮੇਂ ਵੱਖ ਵੱਖ ਬੁਲਾਰਿਆਂ ਜਿੰਨਾ ਵਿੱਚ ਅਸ਼ੋਕ ਸ਼ਰਮਾ, ਰਵਿੰਦਰ ਪਾਲ ਸਿੰਘ ਭੁੱਲਰ, ਪਲਵਿੰਦਰ ਸਿੰਘ ਧੰਮੂ ਜਸਮੇਲ ਸਿੰਘ ਵੱਲਾ,ਰਾਜੀਵ ਸ਼ਰਮਾ, ਬਲਵਿੰਦਰ ਸਿੰਘ ਕੋਟਲਾ ਆਦਿ ਨੇ ਸਾਰਿਆਂ ਦੀਆਂ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਹ ਵਿਅਕਤੀ ਵਿਭਾਗ ਅਤੇ ਜਥੇਬੰਦੀ ਦੇ ਪਿੱਲਰ ਸਨ ਤੇ ਅੱਗੇ ਤੋਂ ਵੀ ਇਹ ਐਸੋਸੀਏਸ਼ਨ ਨੂੰ ਸਹਿਯੋਗ ਕਰਦੇ ਰਹਿਣਗੇ, ਬੁਲਾਰਿਆਂ ਨੇ ਫਾਰਮੇਸੀ ਵਰਗ ਦੀ ਬਿਹਤਰੀ ਲਈ ਨਵੇਂ ਤੇ ਪੁਰਾਣੇ ਫਾਰਮੇਸੀ ਅਫਸਰਾਂ ਨੂੰ ਤਾਲਮੇਲ ਕਰਕੇ ਆਪਣੇ ਕੰਮ ਨੂੰ ਸੁਚੇਤ ਤੇ ਸੁਚੱਜੇ ਢੰਗ ਨਾਲ ਕਰਨ ਦੀ ਪ੍ਰੇਰਨਾ ਵੀ ਦਿੱਤੀ।ਇਸ ਸਮੇਂ ਰਵਿੰਦਰ ਸ਼ਰਮਾ, ਗੁਰਪ੍ਰੀਤ ਸਿੰਘ, ਹਰਮੀਤ ਸਿੰਘ ਤਰਸਿੱਕਾ,ਕਰਨ ਸਿੰਘ ਲੋਪੋਕੇ, ਵਰਿੰਦਰ ਸਿੰਘ, ਲਵਜੀਤ ਸਿੰਘ ਸਿੱਧੂ, ਸਰਬਜੀਤ ਸਿੰਘ ਪੱਡਾ, ਗੁਰਦਿਆਲ ਸਿੰਘ, ਸੰਜੀਵ ਵਰਮਾ,ਕਮਲਜੋਤੀ, ਸੁਖਜਿੰਦਰ ਕੌਰ, ਪਲਵਿੰਦਰ ਕੌਰ, ਜੋਤੀ ਸਹਿਗਲ ਆਦਿ ਵੀ ਹਾਜਰ ਸਨ।
