ਅੰਮ੍ਰਿਤਸਰ 4 ਅਗਸਤ ( ਪਵਿੱਤਰ ਜੋਤ ) : ਦੇਸ਼ ਭਗਤ ਰਾਮ ਸਿੰਘ ਘਾਲਾ ਮਾਲਾ ਦੀ 41ਵੀਂ ਬਰਸੀ ਮੌਕੇ ਰਾਮ ਸਿੰਘ ਘਾਲਾ ਮਾਲਾ ਚੌਂਕ ਵਿਖੇ ਪੌਦੇ ਲਗਾ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਗਈ। ਪ੍ਰਧਾਨ ਕਰਮਜੀਤ ਸਿੰਘ ਕੇ ਪੀ ਨੇ ਸ਼ਰਧਾਂਜਲੀ ਭੇਂਟ ਕਰਦਿਆਂ ਕਿਹਾ ਕਿ ਆਜ਼ਦੀ ਤੋਂ ਬਾਅਦ ਰਾਮ ਸਿੰਘ ਘਾਲਾ ਮਾਲਾ ਜੀ ਨੇ ਸਮਾਜ ਸੇਵਾ ਵਿੱਚ ਬਹੁਤ ਯੋਗਦਾਨ ਪਾਇਆ ਸੀ। ਇਸ ਲਈ ਵਾਤਾਵਰਣ ਦੀ ਸੰਭਾਲ ਲਈ ਉਨ੍ਹਾ ਦੀ ਬਰਸੀ ਮੌਕੇ ਪੌਦੇ ਲਗਾ ਕੇ ਸ਼ਰਧਾਂਜਲੀ ਦਿੱਤੀ ਗਈ। ਯਾਦਗਾਰ ਬੁੱਤ ਦੀ ਸਾਂਭ ਸੰਭਾਲ ਲਈ ਜੇ ਈ ਮੇਜਰ ਸਿੰਘ, ਜੇ ਈ ਕਮਲਦੀਪ ਸਿੰਘ, ਜੇ ਈ ਜਤਿੰਦਰਪਾਲ ਸਿੰਘ, ਸੁਖਦੇਵ ਸੁਪਰਵਾਈਜ਼ਰ ਨੂੰ ਯਾਦਗਾਰ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।